Жазира Байырбекова: Кей қыздар материалдық жағдайын жасау үшін біреудің отбасын бұзып жүр
Жазира Байырбекова отбасылы азаматтарға көз салып, өзгенің шаңырағының шайқалуына сеп болып жүрген қыздарға ақылын айтты. Ол өзгеге жасалған қиянаттың қайта айналып өзіңе келетінін еске салды, деп хабарлайды Stan.kz ақпарат агенттігі.
Көпке үлгі болып жүрген Байырбекованың бұл тақырыпты қозғауы бекер емес. Айтуынша, отбасылы азаматқа ғашық болып қалған бір оқырманы оған хат жазып, ақыл-кеңес сұраған. Байырбекова мұндай жағдайдың көп кездесетінін ескеріп, көпшілікке жауап беруді жөн санапты.
"Кей қыздар сезімге берілсе, кей қыздар материалдық жағдайын жасау үшін біреудің отбасын бұзып, бала-шағасын тірі жетім етіп жүр.
Біреуге жасаған қиянат өзіне, не ұл-қыздарына қайтып келетінін бәріміз білеміз, иә?!
Баршамыздың ұл-қыздарымызды Алла тағалам түзу жолдан тайдырмаса екен, ешкімге қиянат жасамайтын жолмен бақытты болса екен деп Алладан тілеймін”, – деп пікір білдірді ол.
Әншінің бұл жазбасы көпке ой салды. Оқырмандардың бір тобы келіссе, екінші топ ақтап алуға тырысты.
"Ғашық шығар. Дулат Исабеков ағамыздың "Қарғын" деген кітабын оқыңыз. Оның еш айыбы жоқ. Ғажап дүние ғой. Мың адамның бірінде ғана кездеседі", "Көбі сіздің әріптестеріңіз ғой, отбасылы қалталы азаматтармен жүрген", "Дұрыс айтасыз, өмір - бумеранг", "Менің басымнан өткен, мен күресіп, жеңдім шүкір", "Егер жақсы адамнан ұрпақ сүйгісі келсе, не істеуге болады?", "Жолдасыңызға ғашық па? Құдай сақтасын, тәрбиесіз екен", – деп жазды олар.
