Жұлдыздардың сәтті шыққан пародиясын көргіңіз келсе... (Видео)
«Ойын-күлкі – дәрумен» демекші, шынайы күлкі адамға шаттық, қуаныш сылайды. Бүгінде не көп, сатиралық театрлар көп. Әрқайсысы өзінше халықты күлдіруге тырысады. Сатираның ең бір кең тараған түрі пародия. Кейінгі кезде адамға, жан-жануарларға, қару-жараққа, табиғат құбылыстарына пародия салу белең алды. Әсіресе өнерлі жастардың арасында пародияға бейімділік байқалады. Пародияның ең кең тараған түрі танымал адамдарға, өнер жұлдыздарына пародия жасау. Бүгін "Алаш айнасы" жұлдыздарға жасалған пародиялардың сәтті шыққан топтамасын назарларыңызға ұсынып отыр.
Осыдан біраз уақыт бұрын елімізде сатира театрларының актерлері танымал адамдарға пародия жасайтынын оқте-текте көріп қалатынбыз. Біздің отандық телеарнада Баян Есентаеваның «Жұлдызды дода» атты жобасы көрсетіле бастағалы жұртшылықтың пародияға деген қызығушылығы арта түсті. Әлемдік жобаның қазақша нұсқасын көріп отырып, біздің шоу-бизнес саласында да пародия жасаудың шеберлері, небір таланттардың бар екендігіне көзіміз жетті. Айталық, Жанар Дұғалова, Ерден, Кентал секілді өнерліт қыз-жігіттер қазақ өнерінің және әлемдік жұлдыздардың бейнесін айнытпай салғанда еріксіз таңғаласың. Алайда сәтсіз шыққан пародиялар да жоқ емес.
Ж ақында ресейлік телеарналардывң бірінде көрсетілген «Один в один» шоуын көріп отырып, белгілі әртіс Максим Галкиннің өзінің жұбайы Алла Пугачеваға салған пародиясына таңғалдым. Нағыз шеберлік, еңбек, талант екені даусыз. Осыдан кейін біз қазақ сахнасында сәтті шыққан пародиялар топтамасын жасауды ұйғардық. Ендеше көріңіз, бағалаңыз, салыстырыңыз....
