Гастроэнтеролог қандай кезде сорпаны жиі ішу қауіпті екенін айтты
Гастроэнтеролог асқазан-ішек жолдарының жіті ауруымен ауыратындардың күнделікті рационынан сорпаны алып тастау керектігін айтты. Гастрит, панкреатит немесе асқазан жарасы диагнозы қойылған адамдарға әртүрлі көкөністер мен дәнді дақылдар қосылған ет немесе балық сорпасы қарсы әсер беруі мүмкін, - деп хабарлайды Alashainasy.kz тілшісі Stan.kz ақпарат агенттігіне сілтеме жасап.
Мұндай тағамдар тұз қышқылын өндіруді көбейтеді. Асқазан-ішек жолдарының проблемалары бар жандар үшін тұз мөлшерін керісінше азайту керек. Сонда қабынудың күшеюінен сақтайды. Мұндай жағдайда дәстүрлі сорпаларды алдын ала қуырусыз дайындалған көкөністермен алмастырған дұрыс.
Дәрігердің айтуынша оларда талшықтар жеткілікті болғандықтан бұл тағамдар диеталық болып саналады. Мұндай сорпаларды салмақ жоғалту немесе емдеу кезінде дұрыс тамақтану ретінде тұтынуға болады. Бұл ретте тағамдық құндылықты арттыру үшін бұршақ дақылдарын да мәзірге қосуға болады.
Сонымен қатар гастроэнтеролог тамақ дайындау кезінде бірінші қайнаған сорпаны төгуге кеңес берді. Бұл тағамның майсыз болуына және ет құрамындағы антибиотиктердің құрамын жоюға көмектеседі.
