Әйел киімдерінің ұзын қысқалығы туралы кеңестері
Абдуллаһ ибни Омар (р.а) дан жеткен хадиске қарағанда, Алла Елшісі (Оған Алланың игілігі мен сәлемі болсын) бірде былай бұйырады: «Кімде-кім, өзін ұнатқаны үшін ұзын киімдерін жерде сүйретсе, Алла қиямет күнінде ол кісінің жүзіне қарамайды». Сол кезде Үмму Сәләмә (р.а) анамыз:
- Әйелдер киімдерінің етектерін қалай қылғаны дұрыс, деп сұрайды, сонда Алла Елшісі:
- «Олар бір қарыс төмен түсіреді» дейді.
Үмму Сәләмә (р.а) анамыз тағы:
- Олай болса аяқтары ашылып қалады ғой дегенде Пайғамбарымыз:
- Ондай болса жарты шынтақ ұзартады, одан төмен ұзарта алмайды, деді.» (Әбу Дәуід, Либәс, 36; Термези, Либәс, 9; Нәса-ій, Зинат, 105; Ибн Мәжа, Либас, 15).
Еркектермен әйелдердің киімі әрине әр бөлек болары заңдылық. Бойдан төмен толық киілетін ұзын киім болсада әйелдердің киімдері еркектердікіне қарағанда біраз ұзын болуы қажет. Аталмыш хадисте Үмму Сәләмә (р.а) анамыздың әйелдердің киім ұзындығын сұрауында тізелерді ишарат етіп «бір қарыс төмен ұзата алады» деген еді. Бұл жағдайда сырт киім тура балтырлардың үстіне дөп келеді, міне бұл еркектердің киім ұзындығы болып саналады. Үмму Сәләмә (р.а) анамыздың «Олай болса (әйелдердің ) аяқтары ашылып қалады ғой» дегенінде Пайғамбарымыз «Ондай болса жарты шынтақ ұзартады» дегенді. Бұл дегеніміз қызыл асықтарға жетерлік ұзындықта деген сөз. Осыған орай фиқһ ғалымдары әйелдердің киімдерінің ұзындығы аяқтарына тиіп тұрарлықтай болу керек деп көзқарас білдірген.
Аударған: Әбдікәрим Берікбай Германұлы
«Әбу Бәкір Сыддық» медресесінің ұстазы
mazhab.kz/kk/maqalalar/aielder-bolimi/aiel-kiimderinin-uzyn-qysqalygy-turaly-kenesteri-1152/
