ДҰҒА ТУРАЛЫ ТҮСІНІК ЖӘНЕ ДҰҒАНЫҢ ҚАНДАЙ ШАРТТАРЫ БАР?
Араб тіліндегі «дуъаа» сөзінің мағынасы «сұрау», «жалбарыну» дегенге келеді. Аллаға дұға ету деген сөз Оған жалбарынып, әр нәрсенің қайырлысын сұрау дегенді білдіреді. Басқа бір адамға дұға ету ол адамға жақсылық тілеу дегенге саяды. Демек, дұға пенденің Раббысынан жалбарынып сұрауын білдіреді екен.
Дұғаның шарттары Бір заттың не құбылыстың болуы соған тікелей қатысты нәрсені шарт дейміз. Ал дұғаның қабыл болуының ең үлкен, ең маңызды шарттары төмендегідей:
Бірінші шарт: Ықылас-ынта. Ол – дұға мен оған амалды барлық күмән туғызатын нәрселерден таза орындау, барлық істі бір Аллаға тапсыру
Екінші шарт: ұдайылық. Бұл – тек дұғаның ғана емес, ғибадат түрлерінің барлығының да шарты.
Үшінші шарт: Алла тағалаға шын сенім мен дұғаның қабыл болуына анық илану.
Төртінші шарт: дұғаны жүректен шығару, Раббыдан қорқу, Алланың алдындағы мол сауаптан үміт етіп, жазаларынан жасқану.
Бесінші шарт: дұғаны нық шешіммен, ыждағаттылықпен, байсалдылықпен тілеу. Мұсылман Раббысына тілеу тілегенде айнымас нық шешіммен, ынты-шынтысымен беріліп дұға қылуы керек.
