Намазды техникамен оқуға болады
Қазақстанда электронды жайнамаз сатылымға шықты. Оңтүстікке мұндай жайнамаздың 5 данасы әкелінді. Оның бағасы — 8 мың теңге. Электронды жайнамаз әсіресе, намазға енді ниет етіп жүрген жамағатқа өте тиімді. Өйткені мұнда арнайы құлаққапың көмегімен намазда оқылатын сүрелерді есту арқылы парыз амалдарды орындауға болады. Жайнамазды қолдану жолдарымен облысы имамының орынбасары Мұхамеджан Естеміров таныстырды.
Мұхамеджан ЕСТЕМІРОВ, Оңтүстік Қазақстан облысы имамының орынбасары:
--Электронды жайнамазда аудио таспа орнатылғандықтан суреттер көрсетілмейді. Тек, құлаққап арқылы тыңдап, намаз шарттарын өтеуге ыңғайлы. Күнделікті жайнамаздан 15-20 елідей ұзын. Себебі,қондырғының сәжде қылған адамның маңдайына тиіп қалмас үшін осылай кең-молдау істелінген.
