Ораза ұстағанда білуге тиіс маңызды мағлұматтар
Қасиетті Рамазан айының басталуына да аз уақыт қалды. Бұл айда жасалған игі істерге берілетін сауап басқа айларда жасалатын парыздардың сауабына тең.
Алайда, оразаны ұстаудың да өз заңдылықтары бар. Көпшілік оларды жиі шатастырып алып жатады. Осы орайда, қасиетті айда аузын алғаш рет бекіткен жандарға білуге тиіс ең маңызды дүниелерді ұсынамыз.
Ауыз бекітердегі (сәресі) дұға
æóÈöÕóæúãöÛóÏòäóøæóíúÊóãöäúÔóåúÑöÑóãóÖóÇäó
«Уа би сауми ғадин науайту мин шахри рамадан» (Абу Дауд)
Аудармасы: Рамазан айының оразасын Алла ризашылығы үшін ұстауға ниет еттім.
Ауызашардағы дұға
اللَهُمَّ لَكَ صُمْتُ وَ بِكَ آمَنْتُ وَ عَلَيْكَ تَوَكَلْت وَ عَلَى رِزْقِكَ اَفْطَرْتُ فَاغْفِرْلِى يَا غَفَّارُ مَا قَدَّمْتُ وَ مَأ اَخَّرْتُ
«Аллаһуммә ләкә сумту уә бикә әәмәнту уә ‘аләйкә тәуәккәлту уә ‘ала ризқикә әфтарту уә саумәлғади мин шәһри Рамадана нәуәйту, фәғфирлии мәә қаддамту уә мә аххарту»
Аудармасы: «Аллаһым! Сенің ризалығың үшін ораза ұстадым. Сенің берген ризығыңмен аузымды аштым. Саған иман етіп, саған тәуекел жасадым. Рамазан айының ертеңгі күніне де ауыз бекітуге ниет еттім. Сен менің өткен және келешек күнәларымды кешір»
Қоғамда оразаны бұзатын және бұзбайтын жағдайлар жайлы алуан түрлі пікірлер айтылады. Алайда барлығының ойы бір жерден шықпай жатады. Сол себепті оразаны алғаш рет ұстағалы тұрғандардың ауыз бекіткенде ненің дұрыс, ненің бұрыс екенін ажырата алу мақсатында мынадай пайдалы мәліметтермен бөліспекпіз.
Мына жағдайларда пенденің оразсы бұзылмайды:
1. Ұмытып кетіп, ішіп-жеп қою (бірақ, аузың берік екені есіңе түскен бойда тоқтату қажет!)
2. Құлаққа тамшы тамызу (немесе шомылу кезінде құлаққа судың кіруі)
3. Көзге арналған тамшы немесе контакт линзасы
4. Никотинді пластырь, крем, дезодорант, басқа да косметикалық құралдар мен майларды пайдалану.
5. Ерлі-зайыптылардың бір-біріне жақындауы немесе сүйісуі
6. Еріксіз шәуеттің шығуы немесе ұмытып кетіп, жыныстық қатынасқа түсу.
7. Мисуәкті немесе тіс пастасын пайдалану, егер пастаны жұтып қою қаупі болмаса.
8. Қан талдамасы немесе хиджама, не болмаса, қан алудың кез келген түрі.
9. Жүніп күйде ауыз бекіту.
10. Денеге инемен дәрі егу, қан құю, бүйрек диализі немесе дәрі тамызғыш арқылы дәрі енгізу
11.Дәріні жұтып қою қаупі болмаса, тісті емдеу немесе жұлу.
12. Лапароскопия/өзге де хирургиялық араласулар
13. Еріксіз немесе әдейілеп ауыз толтырмай құсу.
14. Еріксіз құсық жұту.
15. Еріксіз түтін немесе шаң жұту.
16. Өз сілекейіңді немесе шырышыңды жұту, ол тамаққа түскен жағдайда да.
17. Мұрынға немесе тамаққа су кіргізбей шомылу.
18. Ғайбат немесе өсек айту.
19. Әйел адамның жыныстық мүшесі арқылы дәрі енгізу немесе гинекологқа қаралу (сол мүшелерді өзге де тексерулер).
Мына іс-әрекеттер оразаны бұзады:
1. Аузың берік екенін біле тұра ішіп-жеу.
2. Тіс пастасын немесе ауызды шаюға арналған сұйықтықты жұту.
3. Тістің арасында қалып қойған тамақ қалдықтарын жұту (бұршақтың көлеміндей болса да).
4. Өзге адамның сілекейін жұту (мәселен, сүйісу кезінде жұбайыңның сілекейін жұту).
5. Назальды тамшыларды пайдалану (мұрынға дәрі тамызу).
6. Ауыз арқылы дәрі қабылдау.
7. Медициналық ингаляторды пайдалану.
8. Әдейілеп түтін жұту (мәселен, темекі тартқанда).
9. Біле тұра жыныстық қатынасқа түсу.
10. Әдейілеп ұрық шығару (мәселен, мастурбация).
11. Эндоскопиялық зерттеулер (ауыз арқылы немесе тік ішек арқылы зонд енгізу, өйткені, оларға дәрі жағылады).
12. Тік ішек арқылы қандай да бір заттарды енгізу (мәселен, клизма).
