ҚАДІР ТҮНІН ДӘЛ ТАБУ
Қадір түнінің Рамазан айының ішіне жасырын болуы себебі, әр мұсылман, осы айдың барлық күнін Қадір түні сияқты сезініп, көбірек құлшылық жасаулары үшін, - деп хабарлайды Alashainasy.kz тілшісі mazhab.kz-ке сілтеме жасап.
Пайғамбарымыз (с.а.у.) былай дейді: “Расында Aлла Tағала бұрынғы үмметтерге бермеген Қадір түнін, менің үмметіме тарту етті”. (Дәйләми, Mүснәд ул-Фирдәус)
Қадір түнінің Рамазан айының ішіне жасырын болуы себебі, әр мұсылман, осы айдың барлық күнін Қадір түні сияқты сезініп, көбірек құлшылық жасаулары үшін. Имам Шарани Қадір түнін, Рамазан айының аптаның қай күндері кіргеніне байланысты былай көрсеткен:
• Жексенбі күні кірсе, 28-інен 29-ына қараған түн.
• Дүйсенбі күні кірсе, 20-сынан 21-іне қараған түн.
• Сейсенбі күні кірсе, 26-сынан 27-сіне қараған түн.
• Сәрсенбі күні кірсе, 18-інен 19-ына қараған түн.
• Бейсенбі күні кірсе, 24-інен 25-іне қараған түн.
• Жұма күні кірсе, 16-сынан 17-сіне қараған түн.
• Сенбі күні кірсе, 22-сінен 23-іне қараған түн.
Имам Шарани 30 жыл бойы Қадір түнін осы жолмен анықтап отырған. Талай әулие, тақуа, ғалымдар осы тәсілмен Қадір түнін тапқан. Қадір түнінің осы айдағы қай түн екенінің айқын болмауы – мұсылмандардың әр түнді Қадір түні санап, әр түн сайын ғибадат жасаулары үшін. Қадір түнінде күн райы ашық, әдемі болады. Ол түнде бәрі-бәрі Аллаға сәжде жасайды. Теңіздердің суы бір сәтке дәмді болады. Мұсылмандар илаһи кешірімге ие болып, күнәларынан тазарады.
Бұл есеп бойынша, Рамазан қай күні кірсе де, Қадір түні сенбіден жексенбіге қараған түнге тура келеді. Рамазан айының екінші жартысындағы екі сенбінің 17,19 секілді тақ түндердің бірі Қадір түні болуы мүмкін.
