ҚМДБ жанынан шыққан жаңа кітаптардың тұсаукесер рәсімі өтеді.
18-қарашада әл-Фараби атындағы Қазақ Ұлттық Университеті, Философия және саясаттану факультеті, дінтану кафедрасының ұйымдастыруымен Қазақстан Мұсылмандары Діни Басқармасы жанынан шыққан жаңа кітаптардың тұсаукесер рәсімі өтеді.
Оқырман қауым Қазақстан мұсылмандары діни басқармасының төраға орынбасары, наиб муфти Серікбай қажы Ораздың "Тәпсір тұнығы" (29 пара) кітабы, ҚМДБ редакциялық алқасы бірігіп шығарған "Дін - насихат" және "Жұма уағызы" (дін қызметкерлері үшін оқу-әдістемелік құрал), дінтанушы ғалым Асылбек Әуезханұлының "Жанұя жарасымы" атты кітаптарымен кеңінен танысады. Шатақ діндер арбауынан сақтайтын кітаптар қатысушы қонақтар мен Ұлттық кітапханаға сыйға беріледі.
Кітап тұсаукесеріне Қазақстан мұсылмандары діни басқармасының төраға орынбасары, наиб мүфти, "Әзірет Сұлтан" мешітінің Бас имамы Серікбай қажы Ораз, Алматы қаласының Бас имамы Нұрбек Есмағанбет, қала имамдары, медресе шәкірттері қатысады. ҚР Ұлттық кітапханасының "Көрмелер залында" күтеміз!
