Тәуіпке барсаңыз оқыған намазыңыз да, тілегіңіз де қабыл болмайды
Тәуіп - сөзі араб тілінен аударғанда "дәрігер" деген мағына береді. Адам емдейтін дәрігерлердің барлығы тәуіп болып саналады. Ал қазіргі біздің терминде "тәуіп" деген тек шариғатқа қарсы әрекет жасайтын адамдар болып есептеледі. Егер адамдар бір ауруға немесе қиыншылыққа ұшырап қалса ең алдымен тәуіптерге, балгерлерге, солардың жолымен жүретін адамдарға барады. Негізі мұсылман адам ең алдымен мешітке барып Алла Тағаладан көмек сұрауы керек. Бұл мұсылмандарға тән іс. Өкінішке орай көптеген бауырларымыз діннен алыстығының әсерінен осындай әрекеттерге барып, қателеседі. Ал енді олардың алдына барып ем сұрап, солардан жәрдем күтулері жайында Пайғамбарымыз (с.ғ.с) былай деген:
«Егер мұсылман адам көріпкелдерге барып, одан өз қажеттіліктерін сұрап және естігендерін растайтын болса онда ол адамның қырық күн бойы намазы қабыл болмайды».
Кімде-кім палшыға немесе көріпкелге баратын болса ол адам Пайғамбарымызға (с.ғ.с) түскен аяттарға күпірлік еткен болып саналады. Сол себепті палшыларға барып олардан ем іздеу ол шариғатымызда өте қатты тыйым салынған іс. Себебі олардың өзі Алланың қарғысына ұшыраған, Алланың жолынан тайған адамдар. Оларға барып олардан шипа іздеу ол Аллаға серік қосу амалдар қатарына кіреді.
