Жұма күнін қалай өткізу керек?
Ардақты Пайғамабарымыз (с.ғ.с.) жұма күніне дайындықты түннен бастаған. Ғұсыл дәретін алып, толықтай тазаланып, ал таңертең ең жақсы киімдерін киіп, иіссу себініп, шашын тараған. Қажет жағдайда шашы мен сақалын қысқартқан, тырнағын алған. Аллаға көп зікір етіп, тәсбих айтқан, дұға жасаған. Құлшылығын әдеттегіден арттырған. Алла елшісі (с.ғ.с.) үшін жұма аса маңызды, ерекше күн болған. Мешітке, жұма намазына қарай жүрген жолынан хош иіс аңқып тұратын.
Осылайша, жұма күнін қалай өткізу керектігімізде Алла елшісі (с.ғ.с.) бізге ең жақсы үлгі болып табылады.
Сонымен қатар жұма күні біз мына істерді де жасағанымыз жөн:
* Алладан кешірім тілеп, тәубе ету;
* Көп дұға жасау;
* Садақа беру;
* Өзгелерге көмектесу, жақсылық жасау,
* Ізгі амалдарды көбірек жасауға тырысу
* Ата-ана, туған-туыстарға көптен бері бармаған болсаңыз, барыңыз, сыйлық жасап, оларды қуантыңыз, мейірімділік танытыңыз;
* Бүгінгі күннің маңызы жайлы, мереке екендігін балаларға да айту.
