Жұмаққа кіре алмайтындар
Пайғамбарымыз (с.ғ.с.) мына үш адамды жұмаққа кірмейді деген:
1. Ата-анасына бағынбағандар
Аллаһ Тағала былай дейді: «Раббың: «Одан өзге ешкімге құлшылық етпеңдер және ата-аналарыңа игілік жасаңдар!» – деп әмір етті. Егер олар қартайып қалса, онда оларға “Уфф!” – деме, сыпайы сөйле. Екеуінің алдында мойынсұнып: «Раббым! Олар мені кішкентайымнан тәрбиелегендері үшін, оларды мейіріміңе бөле» деп айт» («Исра» сүресі, 23-24-аяттар)
.2. «Жеңгетайлықпен» айналысқандар
Бұл халқымыздың әдет- ғұрпын сақтаушы, бірін-бірі ұнатқан жастардың арасындағы дәнекер жеңгелер емес. Қазіргі теріс жолда жүрген азғын әйелдер мен еркектерді жақындастырушы «жеңгесымақтар».
3. Еркекке ұқсағысы келген әйелдер
Бір хадисте: «Жабынған жалаңаштарға, еркек сияқты киінетін әйелдерге және әйел сияқты киінген, сәнденген еркектерге лағнет болсын» делінген.
Еркек секілді киініп, шашын қиып, еркек секілді жүріп тұрған әйелдерді, керісінше, әйел тәрізді шаш өсіріп, сырға тағып, тырнақтарын бояйтын ерлерді дініміз құптамайды.
Бұл өмір – бізге берілген сынақ. Әркім жасаған амалдарына сай жәннаттық немесе тозақтық болатыны рас. Осы фәниде Жаратушысын ұмытып, рақатқа белшесінен батып өмір сүргендердің ақиретте азапталатыны жайлы аяттар мен хадистерде келтірілген. Ал, Алла тағаланың барлық бұйрықтарын орындап, аз ғана ғұмырын құлшылыққа арнаған, Раббымыз көрсеткен хақ жолмен жүрген пенде жұмақтың жұпар иісін сезіп, мәңгі бақытқа кенелетіні анық.
