Мәуліт айы мүбарак болсын!

Күллі мұсылман әлемінің асыға күткен қасиетті мерекесі – Мәуліт айы басталды. Мәуліт – Мұхаммед (с.ғ.с.) пайғамбардың дүние есігін ашқан күні, туылған күні.
Қазіргі таңда қандай бір мұсылман елі болмасын Хақ елшісін (с.ғ.с) естеріне алып, жадында ол жайлы мәліметтері мен білімдерін жаңғыртуы – үлкен қажеттілік. Әрі халықтың бір жерге жиналып, Мәулітті атап өтуі – Пай­ғам­­барымызға (с.ғ.с.) деген сағынышын, сүйіс­пеншіліктерін арттыра түседі. Пайғам­ба­ры­мызды (с.ғ.с.) еске алу мұсылман қауымын Алла тағалаға – лайықты құл, оның елшісіне (с.ғ.с) ақыретте мақтан тұтарлық үмбет бол­дым ба деген ойға жетелеп, мұсылмандығына қайта көз тастауына сеп болары сөзсіз. Мұсылмандардың осындай игі мақсат үшін бір жерге жиналуы араларындағы бауырластық­тың күшеюіне де жол ашады. Адамзат баласын жақсылыққа шақыратын мұндай іс-шараның пайдалы екені, ал әрбір пайдалы да сауапты іс-әрекетті ислам дінінің қолдайтыны барша­мызға мәлім. Пайғамбарымыздың (с.ғ.с.) туған күні – тек ән салып, ішіп- жеумен ғана өт­кі­зілетін пендешілік мереке емес, оның (с.ғ.с.) өнегелі өмір жолын жан-жақты ашып түсіндіретін, исламның асыл құндылықтарын насихаттайтын рухани мереке екенін түсінге­німіз жөн.
Ағабек ҚОНАРБАЙҰЛЫ, ҚМДБ баспасөз хатшысы:
– Ақпанның 2-сінде Алматыдағы Респу­б­лика сарайында Пайғамбарымызға са­лауаттар айту мақсатында мерекелік шара өтеді. Кіру ақылы. Бағасы – 200 теңге. Би­лет сатудан түскен қаржы Мәуліт салта­натында жетімдер һәм балалар үйіне бері­леді. Бұл айда атап өткізудегі негізгі мақсат – Мұхаммед (с.а.с.) пайғамбардың іс-әре­кеттерін насихаттау, салауаттар айту, жас­тарға имандылық қағидаттарын түсіндіру, оларды отансүйгіштікке, бауырмалдыққа, адамгершілікке, ата-ананы құрметтеуге және түрлі теріс қылықтардан сақтануға шақыру. Ұлы Алла тағала барша ниеттеріміз бен тілектерімізді қабыл етсін!