Болат арқандар өндірісі іске қосылды

Қарағандыда болат арқандар өндірісінің жаңа желісі іске қосылды. «Каз-метиз» ЖШС-нің тау-кен және металлургия өнеркәсібіне, энергетика және құрылыс секторына арналған болат арқандар халықаралық талаптарға сай» деп отыр өндіріс басшылары. Жаңа желінің іске қосылу салтанатына облыс әкімі Бауыржан Әбдішев қатысты.
Жоба жетекшісі – «Каз-ме­тиз» ЖШС. Жобаның құны 905 млн теңгені құ­рай­ды. Ал жо­ба­лық қуаттылығына 2017 жы­лы шығуды көздейді. Нарыққа шы­ға­ра­тын елдерді де анықтап қойыпты. Олардың қатарында Ресей мен Өзбекстан бар.
Мәліметтерге жүгінсек, өнер­кәсіптің бо­лат сым шы­ға­руда өзіндік тәжірибесі бар кө­рінеді. Дәлірек айтсақ, 2008 жылдан бе­рі болат арқанның негізі болып табылатын бо­лат сым шығарумен айналысқан. Ол сым болат арқан жасайтын елдерге жет­кі­зі­ліп келген. Енді зауыт сол болат арқанды өзі жа­сап шығаратын деңгейге жетіпті.
Бұл жоба отандық болат арқандар өн­ді­рісінің өрісін ке­ңей­тіп, қазақстандық маз­мұн­дағы өнім шығаруға мүмкіндік бе­реді деп күтілуде. Жоба мем­ле­кеттік қол­дау бағ­дар­ла­малары арқылы жанданған.
Аймақ басшысы Бауыржан Әб­дішев жаңа өндіріс же­лі­ле­рі­нің іске қосылуы Мем­лекет бас­­шысының тапсырмасы ар­қы­­лы жүзеге асып жатқанын атап өтті.
Бауыржан ӘБДІШЕВ, Қарағанды облысының әкімі:
 – Кәсіпорынның кезекті жа­ңа желісін іске қосып отырмыз. 2008 жылдан бері бо­лат сым өн­дірісімен айналысып келе жат­қан өнеркәсіптің жаңа желісі мемле­кет­тік бағдарламалар арқылы жүзеге асты. «Биз­нестің жол картасы-2020» бағдар­ла­ма­­лары арқылы қолдау жа­сал­ды. Құрыл­тай­шылармен де ал­да­ғы уақыттағы жо­­ба-жос­­пар­­лар жөнін кеңесіп отыр­­мыз.
Зауыт құрылтай­шыла­ры­ның ай­туынша, жал­пы, болат ар­­қан­дар өндірісімен ай­на­лысатын ТМД аймағында екі ға­на зауыт бар. Ал Қара­ған­дыда ашылған жа­ңа өн­ді­ріс Қа­зақстан ғана емес, Орталық Азиядағы бі­ре­гей өндіріс ор­ны­на айналмақ.
Дмитрий МАЛАХОВ, «Каз-метиз» ЖШС директоры:
– Зауыттың қуаты жылына – 5 мың тонна болат арқан. Бү­гін­гі таңда біз 1000 тонна ар­ма­ту­ралық сым шығарамыз. Жаңа желі іске қосылғанда өнімнің барлық түрінен шығаратын өнім көлемі 2000 тоннаға жетеді. Бо­лат арқандар ішкі нарықтағы сұ­ранысты толық қамтамасыз ете­ді. Сонымен қатар жақын ше­телдерге шығару да жос­па­рымызда бар.
Негізі, бұл зауытта 200 жұ­мыс­шы нәпа­қасын айырып отыр­са керек. Жаңа желінің іске қосылуымен 40 жаңа жұмыс орны ашыл­ған. Зауыт құрыл­тай­шылары да мем­ле­кеттік қол­даусыз жаңа өндіріс орнын ашу мүмкін еместігін ерекше атады. «Біз шағын ғана кәсіпорын құр­дық. Бірақ өзі шағын болса да, болашағы зор кәсіпорын» деп, жаңа желіні тек бас­тама ғана деп баға­лаған олар өсіп-өркен­деу ке­ле­шектің ен­ші­сінде еке­ні­не сен­дір­ді.