Уран өндіру қолға алынды

Қызылорда облысының Жаңақорған ауданында Солтүстік Қорасан уран кен орнының «Қорасан-1» учаскесінде жаңа кешен ашылды. Бұл жылына үш мың тонна уран өндіретін өндірістік қуатқа ие Қазақстандағы тұңғыш кеніш. «Қорасан-1» кенішінің ашылуы Қызылорда облысы өміріндегі маңызды оқиға. Сонымен қа­тар ол «Қазатомөнеркәсіп» Ұлттық ком­паниясы жүзеге асырған тағы бір ірі инвестициялық жоба.
Кеніштегі барлық жұмысты құрыл­тай­шылары «Қазатомөнеркәсіп» ҰАҚ» АҚ, жапонның энергетикалық ком­па­ния­лары (Toshiba Corporation, TEPSO, Chubu Electric, Tohoki Electric және тағы бас­қа­лар) консорциумы және канадалық Uranium One компаниясы болып табы­ла­тын «Қызылқұм» ЖШС атқарады. Өнді­ріл­ген өнімнің басым бөлігі Жапония атом энергетикасының мұқтажын қанағат­тан­ды­руға арналған.