Жастарды бизнеске бейімдейді

Қазақстан кәсіпкерліктің жаһандық апталығына дайындықты бизнес мектепті іске қосу мен жас кәсіпкерлер делегациясын Ливерпульдегі кәсіпкерлердің жаһандық конгресіне жіберуден, сондай-ақ «Жылдың үздік жас кәсіпкері» байқауына әзірліктен бастады.
Осыған орай кеше кәсіпкерліктің жа­һан­дық апталығы (КЖА) қазақстандық өкіл­дігінің баспасөз мәслихаты өтті. Жас­тардың кәсіпкерлігін дамытуға бағыт­тал­­ған  осы  халықаралық бастаманың өкіл­дері мен серіктестері жылдық жоспар жа­йында әңгіме өрбітті. 
«Даму» кәсіпкерлікті дамыту қорының бас­қарма мүшесі, басқарушы директоры Ға­бит Лесбеков: «Бүгінгі жағдайда шағын биз­несті, әсіресе жастардың кәсіпкерлігін дамытуға айрықша мән берілуде. Дамыған және дамушы елдерде осы секторға жаңа жұмыс орындарын ашу және тұрғындар­дың жалпы әлеуметтік-экономикалық жағ­дайын жақсарту тұрғысынан басты рөл берілген. Сол себепті де «Даму» қоры жас­тар­дың кәсіпкерлігін дамытумен байла­ныс­­ты кез келген бастамаға қолдау көрсе­теді. Мәселен, 2011 жылы Алматыда КЖА ая­сында қордың қолдауымен Жас кәсіп­кер­лердің форумы өткізілді. «Даму» қоры КЖА-ның «Бизнес мектеп» құру бастамасын дер кезіндегі ұсыныс  санайды, өйткені өз кәсібін сәтті жүргізу үшін жастар арнайы кә­сіби-оқытуға зәру», – деп атап көр­сетті.
Ал кәсіпкерліктің жаһандық апта­лы­ғының Қазақстандағы өкілі Павел Кок­ты­шев: «Форум өткізу тәжірибесі мен соның ая­сында жиналған 300-ден астам сауал­на­ма, сондай-ақ жас кәсіпкерлер клу­бы­мен жұмыс бізге жастардың бизнес-білім алуға, еркін қарым-қатынас пен жас кәсіп­кер­лердің сәтті үлгілері мен сенімдерін бекітуге мүдделі екендігін көрсетті. Сон­дықтан біз биыл қарашада мейлінше ауқымды әрі сапалы форум өткіземіз және  сол жерде «Жылдың үздік жас кәсіпкері» сыйлығымен марапаттайтын боламыз. Бұл байқау жаңа қаһармандарды табу үшін қажет», – деді.
Сондай-ақ бизнес мектеп, кәсіпкерлік құлағдарлықты дамыту және бизнес құрудың технологиясын үйретудің  иннова­ция­лық-ағартушылық жобасы іске қо­сылды.