Абай мен Мағжанның "эротикалық" жыр жолдарын өшіртіп тастау керек
Скульптура саласындағы мүсіннің "ұятты жерін" жабуға шақырған ұр да жықтау, оғаш бастаманы көркем әдебиет саласына аударса не болатынын бір бағамдап көрейік. Ондай жағдайда коммунистік мораль мен шариғатқа қайшы келгені үшін Абай мен Мағжанның біраз "эротикалық" жыр жолдарын өшіртіп тастау керек, Бердібектің "Өлгендер қайтып келмейді" романын орталық алаңда өртету керек, "Толған айдың түні" әңгімесі үшін Қабдеш ақсақалға көп алдында кешірім сұрату керек, адамның жалаңаш дене мүшелері сипатталған барлық ауыз әдебиеті мен көркем әдебиет үлгілеріне тыйым салу керек. Бұл қызылкөз "намысқой" науқан одан кейін поп музыкаға жайылса, "Негізі маған сенің к...-нің ұнайды" деп ән салатын жігіттерді дарға тартып, таспен атып өлтірмей тоқтамайтын шығар. Ары қарай бәрі анық: он жылда Мысыр, жиырма жылда Шам боламыз.
Ғалым Боқаш
Facebook-тегі парақшасынан