Әкім деген сөз "жемқор" деген сөздің синониміне айналды
Кейбір облыс әкімдерінің міндеті облысты дамыту емес аудан әкімдерін тағайындау ғана сияқты.Сосын бұрыннан істеп тұрған кәсіпорындарды аралағансымақ болады.Ол кәсіпорындар кімдікі?бай-бағландардікі.Жаңа кәсіпорындар ашу деген ой жоқ.Облысқа республикадан бөлінген бюджетті игере алмайтын әкімдер көп.Үкімет бос жиындарға шашады сосын.Аудандарды аралап әкімдерге көшені сыпырып қойыңдар деген сияқты тапсырма береді.Ал аудан,қала әкімдері не бітіріп жатыр.Әшейін карьера қуып өсіп кету үшін отырған әкімдер деуге болады.Ауданды дамытамын деп құлшынып келген жандар емес.Мүмкін расымен елге жаны ашитын әкімдер бар шығар,көпке топырақ шашпайын.Бірақ көпшілігі не істеу керектігін білмейтін әкімдер деуге болады.Аудандағы жұмыссыздықпен күреспейді,жолдары тозып кеткен.Ауыз су мәселесін шеше алмайды.Сонда не үшін келіп,не үшін кетеді.Аудан,қалалардың мәдени жағдайы да оңып тұрған жоқ.Көшенің атын да өзгертпейді.Ленин,Крупская сияқты көше аттары неге өзгермейді?Ленин ескерткіші не істеп тұр?Қай елдің,қандай қаласын басқарып отырғандарын біле ме өздері.Қашан өзгереді.Қашанғы советтік атаулармен жүреміз.Өзі басқарып отырған қалада советтік атау болуы ұят нәрсе,біздің әкімдерде ұят та,намыс та жоқ сияқты.Жұмыссыздық неге көп,қылмыс неге көп,ауыратын жандар неге көп.Осылардың бәріне әкімдер жауап беруі керек емес пе.Қолдарынан түк келмейтін карьера қуып келген әкімдердің қызметтерінен кетулерін талап етуіміз керек.Әкімдікте істейтіндердің айлығын көтергенімен ауданды дамыта алмайды.Әлихандар не үшін құрбан болды.Егемен ел болуымыз үшін құрбан болды емес пе.Егемен елдің атқанмінерлерлері елдің еңсесін көтеруді ойласын.Әйтпесе әкім деген сөз "жемқор" деген сөздің синониміне айналды.Пәлен ауданның әкімі дегенше,пәлен ауданның жемқоры деп атайық.
Facebook-тегі парақшасынан
