Ата-ананың баладан ештеңе аямайтынын біліп, біреулер бизнес дөңгелетіп отыр
Ата-аналар "сауынды сиыр" ма?
Балаларын қомақты ақша төлеп сайысқа апарған ата-аналар көрермен боп отыру үшін ұйымдастырушылар билет сатып алуын талап еткен. Осыны естіп таңданысымды жасыра алмадым. Әдетте демеушілерді төрге отырғызып, алғыс айтпаушы ма еді? Расы керек, соңғы кезде білім, өнер, спорт саласындағы сайыстардың демеушілері - қатысушы балалардың ата-аналары. Өйткені алдын ала жарна төлейді. Әрине өз еркің , қатыспасаң ешкім сүйремейді. Ал қанша білімді, өнерлі болсаң да жарна төлемесең , есігінен де сығалатпайды. Қазылар алқасы әділ болса қане, қатысушыларға үш орынды теңдей бөліп береді. Сөйтіп бәрін жеңімпаз қып, мәз етеді. Қазір инвестицияны балаға салу- сән. Біреу тіл, біреу ән-би, енді бірі спортқа жетектейді. Олардың тегіні жоқ, бәрі ақылы. Ата-ананың баладан ештеңе аямайтынын біліп, біреулер бизнес дөңгелетіп отыр.
... Мейлі-ау, демеушілерін сабылтпай орын берсе қайтеді?
Базаргул Изимова
Фейсбуктегі парақшасынан
