Балалар басылымдарын басты назарда ұстап, дербес сақтап қалуымыз қажет
Бүгінгі таңда балалар әдебиетін дамытуда түйіні шешілмеген мәселе көп. Балаларға арналған кітап аз. Екінің бірі айтатын уәж: “кітап дүкендерінен қазақ тілінде балаларға арналған кітап таба алмай жүрміз”, - дейді.
Ал, енді осы тұста ғасырға жуық уақыт бойы жас ұрпақты әдебиетке баулып, білім көкжиегін кеңейтіп, таным-түсінігін қалыптастырып келе жатқан балалар басылымдарын бірыңғай брендпен біріктіру жұмысы жүріп жатыр.
Бұл біріктіруге түбегейлі қарсылығымызды білдіріп депутаттық сауал жолдадық.
Бұған дейін де бұл мәселе қаламгерлер мен журналистер, ұстаздар мен ата-аналар тарапынан көтерілген еді.
Қолда бар құндылықтың қайта жаңғырып дамуы қажет. Керісінше, балаларға қажетті қазақ тіліндегі контентті (балаларға арналған мультфильмдер, сериалдар, танымдық роликтер мен бейнематериалдар, YouTube арналар, т.б) көбейтіп, назарды күшейтіп, жан-жақты балаларға арналған медиа өнімдерге қолдау көрсету қажет.
Басқа, басқа қолда бар балалар басылымдарын басты назарда ұстап, дербес сақтап қалуымыз қажет.
Әр мектептің балалар басылымдарының тым болмаса бір данасына жазылуын ұйымдастыру қажет.
Мақпал Мыса
Фейсбуктегі парақшасынан
