Демек, жемқор ғой?
Жалпы көре алмағаным емес. Мынандай нәрсе байқаймын:
Бір адам әлдеқандай мемлекеттік қызметте басшылық қызмет атқарса, еңсесі биік зәулім үйі болады, екі-үш көлігі болады, тіпті кішкентай ауылдардың өзінде солай. Әйелі, қыздары бренд киінеді, олар өзі ақымақтау келе ма, оны тағы жария қып көрсетіп, мақтанып айтып қояды.
Соған біз мән бермейміз. Олар мемлекеттік қызметте, кәсіпкер емес. Оларда сондай жағдайын жасап алатындай ақша қайдан пайда болады?- деген заңды сұрақ туындамай ма сіздерде? Олар айлық қана алмай ма?
Демек, жемқор ғой?
Мен байқаймын. Өз айналамда да бар сондай адамдар.
Сосын, олардың әйелінің, әке-шешесінің, ұл-қызының ойына келмей ме, "әй, бұл ақша қайдан келіп жатыр?"- деп сұрамай ма?
"Біз біреудің ақысын жеп жатырмыз"- деп ұят қыспай ма оларды?!
Өз балаларын киіндіргенде олар сол балалар сияқты басқалардың балаларын киімсіз қалдырып жатқанын түсінуі тиіс!
Ал бұл - қылмыс! Еш ақтауға келмейтін қылмыс!
Бұған ана Семейде жүз жыл бойы жасалмаған жолдар дәлел!
Айгүл Бажанова
Фейсбуктегі парақшасынан
