Дінге сену я сенбеу, сиыну я сиынбау әр адамның жеке мәселесі

Илон Маск маймылдың миына чиптың сәтті орнатылғанын мәлімдеді. Neuralink қой сол баяғы. Жалпы Neuralink жұлыны, миы зақымданған адамдарға орнатылып, олар ойдың күшімен смартфон, компьютерлерді басқара алатын болады дейді. Керемет қой, адам игілігі үшін жасалған ғылыми ашу. Ал кейін оның да мүмкіндігі арта бермек.
Маймылға оралсақ. Чип орнатылған маймыл өзін жақсы сезінуде. Ол "ой күшімен" компьютерлік ойындарды ойнай алатын көрінеді. Міне, ғылым адам игілігіне арналса осындай жетістіктер арта түседі.
ПыСы: Алдында бір азаматтар "өзге ғаламшарда тіршілік бар ма" деген сұрақ қойғанымда, атша тулап еді. "Дін жауы" қылып жіберген. Тәпішкеме дейін күліп едік сонда. Сонда адамға белгісіз әлемді, ғарышты, мұхитты, адам санасы мен тәнін зерттемесе, адам қалай жетістікке жетпек? Адамзат өз миының тек бес пайызына жетпес мүмкіндігін пайдаланады дейді. Ендеше біз білмейтін, біз ашуға тиіс жетістіктер өте көп деген сөз. Дінге сену я сенбеу, сиыну я сиынбау әр адамның жеке мәселесі. Бірақ қолыңда ғылым ойлап тапқан смартфон, ғалым ойлап тапқан интернет арқылы "ғылым мынаны зерттеп, мынаны зерттеуге болмайды" деу менің ойымша қате түсінік.

facebook.com