"Күйеуге шыққың келсе "зәлет" бол"...
Қазіргі заман мақалының сиқы осы. Қазір үйлену мен тұрмысқа шығудың осындай тәсілі пайда болыпты.
Қаланы былай қойғанда ауылдың өзінде ақ босаға аттамай тұрып кейбір қыздар аяғы ауыр болып, келін болып түскеннен кейін екі-үш айдың ішінде босанып қалуы әдетке айналып барады. Бір туысқанымыздың баласы 11-сыныпта оқитын қызды екі айлық баласымен алып келді. Баласының бұл әрекетіне қарсы болып, «неге оқу аяқталғанша күтпедің» деп сөккенменен көнді. Бір танысым айтады қазір жігітті ұстап қалудың бір жолы – жүкті болу» дейді. Сол себептен «тұрмысқа шыққың келсе «зәлет» бол» деген мақалдың пайда болғаны. Бұл қағида 100 пайыз іске асады деу қисынсыздау. Әрі үмітсіздеу. Жетім балалар санының артпасына кім кепілдік бере алады?! Бұл жағынан батыстың өзін шаң қаптыратын болдық. Алуан адам әр түрлі тағдыр. Ешкім ондай болғанын қаламайды. Десек те шетелден келген үрдіс санамызға жайлап сіңуде. 7 қызға бір жігіт келеді деген қағида пайда болып, қыздарға деген құрмет жоғалуда.
Әрбір қыздар мен жігіттер өз болашағына немқұрайды қарамау керек. Біреудің тағдырымен ойнамауы тиіс. Қандай жағдай болмасын таяқтың ұшы бірінші қыздарға тиетіні анық. Қашанда қызды кіналаймыз.
Сондықтан әрбір қазақ қызы ақ босаға аттамай тұрып, азаматтық неке сияқты сырттан келген үрдіске қарсы тұрса «тана көзін сүзбесе бұқа жібін үзбейді» деген мақалды ұстанатын кейбір бұқалардың тәрбиеленетіні хақ.
Қыздарға деген құрмет жоғалмасын! Жігіттердің мәртебесі биік болсын!
Қарлығаш Нұрбай
Facebook-тегі парақшасынан