Оларды айыптауға, келеке қылуға қандай қақымыз бар?!
Президенттің қыз-келіншектерге айтып берген хиқаяты жайлы "Ана туралы аңыз" деп аталатын терме сипатындағы ән бар еді. Жанар Айжанова орындайтын бұрын. Соны естігенде ауыл кемпірлері кемсеңдеп, аналарымыздың жанары жасаурап кететін. Бұл жолы да үш қыздың көңілін толқытқан елбасының сөзі емес, әлгі бір аңыздың өзі шығар(бәлкім бірінші рет естіп тұр). Сондықтан оны дабырайтып жариялап, жылаған адам көрмегендей талқылағанымыз қалай?! Есіне мүмкін анасы түсіп кеткен болар, көңілі босап кетті, онда тұрған не бар екен. Оларды айыптауға, келеке қылуға қандай қақымыз бар?! Бетін тіліп жіберсең жас тұрмақ қан шықпайтын бедірейгендер қаптаған мына заманда, сөзге бола жылайтын адамның барына қуанып жүрсем біреулер сөзін, енді бірі көзін аңдып жүр ғой))
Есболат Айдабосын
Facebook-тегі парақшасынан