Өздеріңнің қыздарыңды, әйелдеріңді солардың орнына қойып көріңдерші...
Қыздар, әлеуметтік желіде еркектермен айтысып абырой жинай алмайсыңдар ешқашан! Бүгін лентадан осындай 3-4 постты көріп қалдым. Бірімен бірі қырқысып, біреуі ағасымен алысып жатыр. Қанша жерден мықты болсаң да, әлеуметтік желі – әйел адамның атын шығаратын орта емес. Шықса – пәле іздегіш қатын, сөзге тоқтамайтын, сөз бермейтін тәрбиесіз деген жаман атың ғана шығады. Сосын олардың шашбауын көтеріп, «Маладес, жарайсың!» деп көпшік қойып отырғанды қойсаңдаршы. Өздеріңнің қыздарыңды, әйелдеріңді солардың орнына қойып көріңдерші, кім өзінің қызы мен келіншегі сондай болғанын қалайды? Ешкім қаламайды! Еркектен асып қайда барады олар? Көш бастайтын күшті қатын болып шығатын шығар, ары кетсе. «Қатын бастаған көш оңбас» деп қазақ тағы айтып кеткен. Солармен салғыласып отыратын еркектерде де ес жоқ. Еркек – еркек болып қалуы керек. Осында өсектен басқаны айтпайтын қатын мінезді еркектер де бар. Өзім сондай өтірік ұлтшылдарды, біреудің сыртынан өсек тасып бедел жинайтындарды көрсем болды, бірден достықтан шығарып тастаймын. «Қатынға жолама – қарасы жұғады, Қызға жолама - бәлесі жұғады» - деген ғой, атам қазақ...
Жолымбет Мәкіш
Фейсбуктегі парақшасынан
