Қыздар, ерекше еркек іздеп әуре болмаңдар, еркектің бәрі бірдей
Алмада құрт болса ғана зор қуаты болмақ. Құртсыз алманың дәмі жоқ. Қыз да көздің құрты. Қашан құтылғанша асықпын, сендерден 25-тен кейінгі қыздар. Ненің болса да түйін салған соң, күйін тапқаны дұрыс. Өзім 28-дің көктемін арайландырып, жазын толтырып барып қыз дәуренмен қош айтыстым. Сөйтсем, дәруменді дәл уақытында алмаған соң, бәрі бос әурешілік екен, жазған-ай.
Енді отырмын, ұлымнан " Анашым, 1 кластағы ең кәрі, мама сіз екенсіз" деген сөзді естіп. Күзі жеткен кәрі талдың құрсағынан шығып, құрсауынан босаған жеміс те болдырып бітеді, өзің де қауқарың кетіп, қаудырап қаласың. Кепкен өріктен гөрі, сөлі, шырыны келіскен өріктің дәмі тәтті, қызығы да ұзағырақ болады қыздар. Айтпады демеңдер. Шәйді кеш демдесең, суығанда бір ақ ішесің...
Қамданыңдар! Сүрініп құла, сүзіліп қара, қыздан амал артылмас. Жас қыз жаққан оттың табына күйген еркек, алауға айналады. "Жас иіс" сөзі де бұрыннан бар. Сондықтан, көкбет болсаң да, көк ет болсаң да көне етік пе, көк етік пе сыйса болды, киіп кет! Кетпен шаптыр, мал бақтыр, өмір сүр! Қара қазан қара баланың қамымен қайнаса ғана дәмдірек. Қара басыңа бола қайнаған қазанның атасына нәлеті...
Көп туғым келген... Кекселеу болып, екі түйір ғана дән ектім. Енді соның жемісін ертерек жегім келеді. Алла бергеніне шүкір, береріңнен танба! Қыздар, ерекше еркек іздеп әуре болмаңдар! Бір қап, бір сап! Еркектің бәрі бірдей. Тәңір әйелді тобасынан, еркекті табысы мен шабысынан тандырмағай!
Куралай Сейсенбеккызы
Фейсбуктегі парақшасынан
