Шетелдіктер Қазақстанға келеді де орыс тілімен бетпе-бет шығып, орысша үйренуге кіріседі
"Барыс" командасының қорғаушысы Даррен Диц "Жергілікті мәдениетті зерделеу, орыс тілін үйрену - мен үшін маңызды" дей келіп, өз әріптестерімен осы тілде түсінісіп, қоғамдық орындарда жергілікті тұрғындармен орысша тіл табысатынын қуана жеткізіпті Ресейдің бір сайтына берген сұхбатында. "Үйренсе, үйренсін, онда тұрған не бар дейміз ғой!" Дейсің де оның Қазақстанда ойнайтынын, қоғамдық орындарда тілдесетіндері жергілікті халық - қазақтар екенін ойлағанда бармағыңды тістейсің. Осының бәрі өзімізден. Қазақтар бір-бірімен орысша сөйлеседі, Даррен сияқты талай шетелдік азамат Қазақстанға қазақ тілін үйреніп келеді де бірден орыс тілімен бетпе-бет шығып, алғашқы ниетінен айнып, орысша үйренуге кіріседі. Мына Диц те соның бірі. Сормаңдай өзіміз.
Дурәлі Дүйсебай
Фейсбуктегі парақшасынан
