Сол тоқалы құрғырыңды алмаса да, алғандай болып...
Карантиннің кезінде барынша құнарлы тамақ іштік қой. Ем болады дегесін қойдың құйрығын да қылғыттық. Үйден шықпай, тамақ іше бергеннің "нәтижесі" көрінбей қалған жоқ. Біраз салмақ қостық.
Кейінірек бір ауырып қалғанда "Жедел жәрдем" шақырдық. Келген дәрігер үріп ауызға салғандай әдемі бала екен, бір сәтке ауруымды ұмытып, әйәйдің жүзіне Ержан Тәліптің көзімен қарап жатқам. Бір кезде әлгі сұлуым келіншегіме бұрылып: "Беті іскен бе, әлде бұрыннан солай ма? - десін. Сөйтсем, бетім де Ержан Тәліптің "мордасына" ұқсап кеткен екен ғой)))
Фб - базар. Базарда мың кісі болса да, әркім сүйгеніне сәлем береді. Ержанға "сәлем беретіндердің" көбі - қыз-келіншектер. Әсіресе тоқал туралы постарына үйіріле кетеді. Бір тақырыпқа сан түрлі қырынан келетін Ержанның шеберлігіне де дау жоқ.
"...Сол құсы құрғырыңды атпасаң да,
Өзіңді құс атқанға ұқсатқанға..." - дейді Төлеген ағам бір өлеңінде.
Ержанның постарын оқып, сол тоқалы құрғырыңды алмаса да, алғандай болып, еркектер жағы да бір желпініп қалады)))
Бауыржан Бабажанұлы
Фейсбуктегі парақшасынан
