Жігіттер, алшаң басып жүре алсақ Солардың арқасы боп тұр ғой, негізі
"ҚАЙДАҒЫ ЖАЗЫҚСЫЗ ЖАНАР?!
Ақ некелі төсегіңе көз алартса, одан артық атаңның басын шапқаны керек пе? Қосағыңның етегіне көзін сұқтағаны іргеңнен найза шошаңдатқаннан кем оспадарлық па?...
Еркек үшін ата-мекеннің тыныштығы, ата-бабаның аруағы, ақ некенің беріктігінен артық намыс жыртатындай не бар?
Алтын басты азаматтың асқар таудай абыройын көбелек көңіл ұрғашының делең-делең етегіне тәуелді қылып қойған құдай шебер-ай!"
✅ Абыз Әбіш Көкемнен асырып не айтуыма болады?!
Жігіттер, бетімізде шіркеу жоқ, жұрттан ұялмай, сыртымыздан сыпсың ермей, алшаң басып жүре алсақ Солардың арқасы боп тұр ғой, негізі.
Ұрыссаң кешіретін;
Мерейіңді өсіретін;
"Қайдасың", "қашан келесің" демейтін;
Әр бастамаңды қолдап, демейтін;
Сапарға кетсең үй, ошағыңның қорғаны;
Ырыстың тұрағы, берекенің қара орманы;
Атыңды өсіретін иә өшіретін -
"Қатын" деген қандай ғажап есім едің!...
Қазақтың әр қатынына Мишель апамыздың даналығы мен Америкаға тұтас жаққан мейірім, сүйкімін берсін, мереке құтты болсын!
Алмас Алтай
Фейсбуктегі парақшасынан
