Құбыжық бала

Амар Стовер 8 жасар бала, Алаба штатының тұрғыны. Кішкене кезінен бір көзі көрмей қалған. Көзінде ісік пайда болып, тыныс ала алмай тек трубка арқылы дем алады. Бұл туралы Қамшы  ақпараттық агенттігі хабарлайды.

Бетіндегі үлкен ісіктің кесірінен толыққанды өмір сүре алмайды. Қатігез сыныптастары Амарды құбыжық дейді екен. Ал кейбіреулері: "Амар бетіңдегі бетпердеңді шеш"- деп айтатын көрінеді.

Бала нейрофиброматоз дертіне шалдыққан. Осы дерт кесірінен оның денесіне ісік қаптап кеткен. Уақыт өтіп, Амардың жасы ұлғайған сайын оның ісігі де үлкейіп келеді. Ол далаға шыққанда сыныптастары, құрдастары одан қорқады, тіпті қарай алмайды.

Амардың жанына бататын ең қиын нәрсе, өзгелердің одан: «Мұндай қорқынышты бетпердені қайдан алдың?» деуі.

Қазіргі уақытта Амардың анасы пластикалық хирургтармен келіссөздер жүргізіп, баланың бетіндегі ісікті емдеуге, көз жанарын емдеуге, толыққанды өмір сүруге мүмкіндік беретін барлық жағдайды жасауға тырысуда.

Алайда Амардың анасы Кандис- жалғыз басты әйел. Ол ғаламтор арқылы қаражат жинап, үйін сатуда.

Дәрігерлердің айтуы бойынша бұл дерт 2500 адамда бір рет қана кездеседі екен.