"Күйеуімді ауыстыратын едім": Динара Қырықбаева өкінішін бөлісті (фото)
Отандық әнші Динара Қырықбаева әлеуметтік желіде оқырмандары жолдаған сауалға жиі жауап береді. Өнер иесі Instagram парақшасында кезекті сауалға жауап беріп, өткен өмірінде не нәрсеге өкінетінін айтты, деп жазады KAZ.NUR.KZ.
Желі қолданушысы әншіден "Мүмкіндігіңіз болса, өткен өміріңізде нені өзгертер едіңіз?", - деп сұраған. Ал Динара Қырықбаева жұбайын ауыстыратынын айтты. "Тек күйеуімді ауыстыратын едім. Мен ештеңеге өкінбеуге тырысамын. Алайда 18-іме қайта оралсам, дұрыс таңдау жасайтын едім. Менде қазір бәрі жақсы. Маған қазіргі күйім ұнайды", - деді. Сонымен қатар әншінің кезекті бір оқырманы оның бұрынғы күйеуін өзге арумен көргенін айтқан. "Ол үшін қуаныштымын. Жас болғаны қандай жақсы", - деп жауап қайтарды Динара Қырықбаева оқырманына.