"Махаббат жасқа қарамайды екен": ШаҺизада тағы бір жас жігітпен көзге түсті
Осыдан біраз уақыт бұрын үшінші күйеуімен Стамбұлда үш ай ғана бірге тұрғанын айтып, сұхбат берген отандық әнші Шаһизада өзге жігітпен көзге түсті, - деп хабарлайды Alashainasy.kz тілшісі KAZ.NUR.KZ-ке сілтеме жасап.
Өнер иесі желіде жазбасымен көпшілікті қызықтырып қойды.
"Бізде жағдай осындай… Адамнан жасырғанды, Құдайдан жасыра алмайсың. Көп сөге көрмеңіздер. Махаббат жасқа қарамайды екен", - деп жазып, Шаһизада жазба астына отандық әнші Ерболат Ержанбаевты белгілеп қойды.
Осыдан соң Ерболат Ержанбаев та Шаһизадамен түскен видеоны Instagram парақшасында бөлісіп, жазба жариялады.
"Біреуден естігенше, өзімнің парақшамнан көргендеріңіз дұрыс шығар", - деп жазып, Ерболат Ержанбаев Шаһизаданы белгілеп қойды.
Ал желі қолданушылары жұлдыздарға бақыт тілеп, пікір қалдырған.
"Бақытты болыңыздар", "Бақытты болуға лайықсыз", "Соңғы уақытта құлпырып кетіп едіңіз", - деп жазды желідегілер.
