«Сұрасам да берген жоқ»: 50 жыл бойы мәһір күтіп, оны алтын тойда сұраған апа желіні жарды
Оқырмандар қарияларға ұзақ ғұмыр тілеп, әзіл-шыны аралас қалжыңдарына риза болған, деп хабарлайды Caravan.kz тілшісі.
Желіде зейнеткер апаның жолдасынан мәһір сұрап, жұртты күлкіге қарық қылған видеосы тарады.
«Жұрттар қазір көлік сұрап жатады ғой? Мен сұрасам да берген жоқ, 50 жыл бойы күтіп жүргеніме. Не сұрайын, пенсиясын сұраймын, жаман ойым жоқ. 65 мың болатын бір айдың пенсиясын сұраймын», - деп жауап берді әжей.
Желі қолданушылары қарияларға ұзақ ғұмыр тілеп, зейнеткер апаның тілегіне күлкіге қарық болған.
«Ой апам, қатырады», «Күлсең, кәріге күл деген рас шығар», «Мә, күлгенім-ай ішек-сілем қатып, апамызға актриса болу керек», «Қандай күшті позитивті адамдар, ғұмырларыңыз ұзақ болып, бала-шағаларыңыздың қызығын көріңіздер», - деп жазды олар.