Тесіктеріңді тіктір - Диана Қырықбай желіні тағы шулатты
Әлеуметтік желідегі әр жазбасы бірден қызу талқыға түсетін танымал тележүргізуші тағы да жұрттың назарында, - деп хабарлайды Alashainasy.kz тілшісі "Экспресс К"-ға сілтеме жасап.
Диана бұл жолы пәктігінен айырылған қазіргі қыздардың қалай тұрмысқа шығатынын ашық түрде айтқан.
Бұрын Диана Қырықбай әлеуметтік желіде қыз бен жігіттің отбасылық өмірге дейінгі қарым-қатынасына қатысты түрлі лайфхактармен бөліссе, енді қыздығын жоғатқан аруларға тез тұрмыс құрудың айла-тәсілін үйрете бастапты. Атышулы тележүргізушінің айтуынша, бүгінде ақ босаға аттамай абыройынан айырылған арулар дәрігерлердің көмегіне жүгініп, пәктік пердесін тіктіріп алатын көрінеді. Осылайша қыздығын қайта қалпына келтірген олар жігіттерді алдап, тұрмысқа шығады екен.
- Қыздар, байға тигілерің келіп бара жатса, лайфхак көп. Бүкіл тесіктеріңді тіктіресіңдер, жас жігітті табасыңдар, "мен қызбын" дейсіңдер. Ол — біздің менталитет, — дейді тележүргізуші.
Диананың дәл осы тақырып туралы айтқан видеосы TikTok-та қызу талқыланып жатыр. Атышулы тележүргізушінің бұл пікірі әлеуметтік желідегі жұрттың ызасына тиген.
instagram.com/diana_kyrykbay
"Көргенсіз, не айтып отыр? Ұят емес пе?", "Қазақтарда ондай менталитет жоқ. Қалай барсаң да еркек біліп қояды. Сондықтан еркектерді алдамайық, қыздар. Негізі шындықты айтып, тұрмыс құрған жақсы", "Мынау қалай сөйлеуді білмейді-ау. Қайдағы менталитет? Иісі мұсылманға жат. Өз ойыңды елге жариялама, елдің қызын бұзба", "Көпке топырақ шашпа, қазақ қыздары туралы олай айтпа. Өзің тіктір де тие бар алаңсыз. Ағай, бауырларың, әке-шешең не қарап отыр?", "Сен тек өзіңнің қара басыңа жауап берші. Көпке күл шашпа. Мүмкін сенің ортаң сондай шығар, көргенсіздер", — деп ашуланды желі қолданушылары.
