Әйелім босанып жатқанда, қасында тұрғаным дұрыс па?

Әйелімнің босанатын күні жақындап қалды. Қазір кейбір мамандар әйелі босанғанда күйеуі қасында болуы керек, себебі барлық қиындықты бөліседі дегенді айтады. Осы рас па? Жұбайым босанып жатқанда қасында тұрғаным дұрыс па?
Алмас ЕРМЕКОВ, Алматы қаласы
Кейбір мамандардың солай айтатыны рас. Бірақ жақында Бирмингем уни­вер­си­тетінің зерттеушілері ер-азаматтардың әйелді босандыру кезін көруі өте зиян деген қорытындыға келіпті. Соңғы кез­дері сәнге айналып бара жатқан бұл үр­діс жігіттердің санасына үлкен соққы бо­лып тиеді екен. Мұндай әсерден кейін жі­гіттердің көңілі тез босағыш болып, жігерінен айырылатын көрінеді. Оның бала тәрбиесінде де зияны байқалған. Өйткені баланың туылу сәтін көрген әке керек жерінде қатал бола алмай қа­ла­ты­ны анықталыпты. Бәрінен бұрын, ер адам одан кейін зайыбы алдындағы мін­дет­ті орындай алмай қалуы мүмкін деседі.