Әлемде қанша миллионер бар?
Дағдарыс жылдары әлемдегі миллионерлердің саны күрт төмендеп кеткені айтылып еді. Ал қазіргі жағдайда қалай?
Дияс, Алматы
World Wealth Report орталығы жуырда ғана соңғы жылдағы әлемдегі байлардың саны мен сапасы жөніндегі зерттеуінің қорытындысын жариялаған болатын. Соңғы бір жыл ішінде әлемде миллионерлер саны 0,8 пайызға артты, алайда олардың байлығының жалпы қоры 1,5 пайызға, яғни 42 трлн долларға кеміді. Әлем бойынша миллионерлер саны 11 миллионды құрайды екен. Соңғы жылдардағы көрсеткіштердің ерекшелігі, миллионерлер саны жағынан Азия-Тынық мұхит елдері көш бастады. Өткен жылы бұл орында Солтүстік Америка тұрған еді. Дегенмен миллионерлер байлығының қоры жағынан АҚШ, Жапония, Германия елдері – алдыңғы қатарда. Жалпы алғанда, әлемдегі барлық миллионер қорының 53 пайызы осы үш мемлекетке тиесілі екен. Қазіргі кезде Бразилияда миллионерлер саны күрт өсіп жатыр.
