Әлемдегі ең дәулетті шаһар атауын қай қала бастап тұр
Нью-Йорк мегаполисі биыл, яғни, 2023 жылы әлем бойынша ең дәулеті шалқыған қалалардың арасында көш бастады. Өйткені, аталған алып шаһарда миллионерлер қарасы әлемнің өзге қалаларына қарағанда әлдеқайда көп – 340 мыңнан асады, - деп хабарлайды Alashainasy.kz тілшісі Іslam.kz-ке сілтеме жасап.
Бұл жайында «Известия» мерзімді басылымы тілшісі Henley & Partners және New World Wealth компаниялары келтірген дерекке сілтеме жасай отырып жазды.
Ал бұл тізімде екінші орыннан күншығыс елінің астанасы – Токио қаласы көрінген (290,3 мың миллионер.
Үшінші орынға Сан-Франциско (АҚШ) жайғасқан – 285 мың миллионер.
Төртінші орынға Лондон табан тіреген – 258 мың миллионер.
Осы алғашқы бестікті Сингапур тұйықтаған – 240,1 мың миллионер.
Сондай-ақ, алғашқы ондыққа Лос-Анджелес (205,4 мың миллиардер), Гонконг (129,5 мың), Бейжің (128,2 мың), Шанхай (127,2 мың) және Сидней (126,9 мың) кіреді.
Өткен жылы (2022 жылы) Нью-Йорк ең бай қалалар тізімінде де бірінші орынды иеленді. Токио екінші орында, ал Сан-Франциско үшінші орында қалды.
Лондон мен Сингапур биылғыдай төртінші және бесінші орындарды сақтап қалған болатын.
