Баланың туылуын тіркеу үшін қай мекемеге барамын?

Баланың туылуын тіркеу үшін Халыққа қызмет көрсету орталығына бару керек пе, әлде АХАЖ бөліміне ме?

Назгүл, Алматы қаласы

Аталған мемлекеттік қызмет баланың туған жері немесе ата-анасының, не олардың біреуінің тұрғылықты жері бойынша азаматтық хал-актілерін тіркейтін орган, сондай-ақ баламалы негізде Халыққа қызмет көрсету орталығында көрсетіледі. Баланың туылуын тіркеу үшін ХҚКО-ға келесі құжаттармен жүгінуіңізге болады:
– белгіленген нысандағы өтініш;
– ата-анасының неке туралы куәлігінің көшірмесі, 2008 жылға дейін некеге тұрған тұлғалар үшін;–
емдеу орнынан баланың туылғаны туралы анықтама;
– өкілдің уәкілеттігін растайтын құжат.