Бақытты адамдар басқа кеңістікте өмір сүреді
Әркім-ақ бақытты болуды армандайды. Бірақ, оған жетудің сан түрлі жолын таба алмай дал болып жатады. Әрине, бақыт дегеніміз атақ-даңқпен, байлықпен ғана өлшенбейтіні баршаға мәлім.
1. Көп адамның басты қателігі бір адаммен ауырып, өзгесімен емделуінде.
2. Адам есейген сайын ұрысуға бейілді болмайды. Жәй ғана орнынан тұрып, қоштасып кетіп қалғысы келеді.
3. Қалаған адам уақыт табады. Қаламағанға себеп табылар.
4. Саған мейірімін төккен адамға мейірімді болу қиын ба? Қысастық қылған адамға мейірімді болу, міне - нағыз мейірімділік (Үнді мәтелі).
5. Ренжіген кезде ұстамды болса, жанына батқан кезде ұрыс шығармаса, ол нағыз дана әйел (Коко Шанель).
6. Уақыт өте келе тым ұзақ күткен қоңырауда керексіз болып қалады.
7. Адамды бақытты немесе бақытсыз ететін оның ойлары. Ойыңызға иелік етсеңіз, бақытыңызға да иелік етесіз (Ницше).
8. Егер адам бір нәрсені жан жүрегімен қаласа, ол оған міндетті түрде қол жеткізеді. Тіпті айналадағы адамдар бұл мүмкін емес деп шектесе де.
9. Ер адамға жанында өзіне кәміл сенетін жанның болуы маңызды.
10. Адамдар бір сәтте өмірді оларға үйреткендей қабылдау шарт емес екенін ұғынады.
11. Бір ауыз сөз шешіміңді өзгерте алады. Бір сезім өміріңді өзгерте алады. Бір адам сені өзгерте алады.
12. Егер адам жаныңа қаяу салар іс жасаса, онда оның өзі де өте бақытсыз болғаны. Бақытты адамдар кезекте тұрып ұрсыспайды, көлікте жүргенде керілдеспейді, әріптестері туралы өсек тасымайды. Бақытты адамдар басқа кеңістікте өмір сүреді. Оларға мұның барлығы еш керек емес.
13. Арманыңыз үрейіңізді жеңгенде орындала бастайды.
14. Кейде өмірді өзгертуге бір тамшы батылдық қана жетіспейді.
15. Қол ұстасу қарапайым қылық сияқты көрінеді. Бірақ осы әрекет адам жанында төңкеріс жасайды.
16. Кейде адам өзі нені қалайтынын білмейді. Ақылы былай тартса, жүрегі басқаны қалайды. Таңдауды ақылға ғана салуға болмайды. Өзің шын қалайтыныңа ұмтыл. Егер көп жылдан кейін сүймейтін әйеліңе, ұнатпайтын жұмысыңа, қаламаған өміріңе куә болғың келмесе...
17. Жаныңыз жай табатын жерұйық іздеп әуре болмаңыз. Өзіңіз жүрген жердің бәрін жерұйыққа айналдыруға дағдыланыңыз.
18. Әр адам қалағанын жасауға құқылы, егер сол үшін жауапкершілікті мойнына ала алса (Сомерсет Моэм).
19. Ең даңғыл жол – үйге бастайтын жол.
20. Ешбір жаманатты қабылдама. Оны сен қабылдамағанша, ол әкелген адамдікі болып қала бермек (Будда).
21. Нағыз жаңалық – жаңа жағалау табу емес, өмірге деген көзқарасты өзгерту, айналаңа жаңа көзбен қарау.
22. Егер өмірдің өзі тізерлетсе, қолыңды жайып дұға қыл. Сосын тұр да, жолыңды жалғастыр.
23. Кейде маңызды бірдеңе айтайын дейсің де, күте тұрайын деп шегінесің. Сосын оны айтудың еш қажеті жоғын түсінесің. Әрбір сөз бен сезімнің өз уақтысы болатынын ұмытпаңыз.
24. Ертең - қателігі жоқ жаңа күн.
25. Адамның жүзі көп нәрседен хабар береді. Бетіне қарап адамның иманы бар ма, жоқ па бірден білуге болады. Иманын жоғалтпаған адамның жүзі нұрланып тұрады. Махаббат шуағын шашады. Шуақ шашпағандар бақытсыз жандар (Банана Ёсимото).
26. Ештеңені ұстамайтын адам бәріне ие.
27. Қарым-қатынастағы ең бағалы нәрсе – өзара келісім.
28. Өзің қашқан нәрсенің бәрі тек сенің санаңда ғана бар.
29. Сәл күтсең, күн шығады. Керек кезде үнемі кешігетін әдеті.
30. Адамды сыйлау, не сыйламау – сіздің таңдауыңыз. Ал, сыйластық білдіру – сіздің тәрбиеңізге байланысты.
31. Сүрінбейтін тұяқ жоқ. Қателігін мойындау - даналық. Кешірім сұрау - мықтылық. Кешіре білу - сұңғылалық. (Тай мәтелі)
Аударған Шынар Әбілдә
