Білімсіз адам орангутангпен тең
Ғылыми деректер бүгінде жануарлардың арасында да саналылары бар дейді. Осы қаншалықты дәлелденген? Және де қай жануар ең ақылды екен?
Алма ДӘНДАЕВА, Жаркент
Жылдар бойына Базель университетiнде жануарлар санасын зерттеу жұмыстары жүргізіліп келе жатса керек. Нәтижесінде, ақылы жағынан бiрiншi орынды маймыл (орангутанг) иеленген. Оның ақыл-ойы бiлiмi жоқ ересек адамның қабілетiмен бiрдей болса, екiншi орындағы шимпанзенің ақыл-есi 4-5 жасар баланың деңгейiнде екен. Одан кейiнгi орында – пiлдер. Олардың еске сақтау қабiлетi басқа жануарларға қарағанда жоғары көрінеді. Сондықтан ол, өзiн ренжiткен адамды есте сақтап, бiрнеше жыл өткен соң кегiн алады. Келесi орында жолбарыстар мен арыстандар тұр. Бұл мысық тұқымдас аңдар қимылдары шапшаң, кәдiмгi үй мысығына қарағанда анағұрлым ақылды екен. Оның себебi иттер де, мысықтар да адамдармен бiрге тұрғандықтан, олар қоршаған ортаға адамның көзiмен қарайды. Жабайы табиғатқа олардың бейiмделуi қиынға соғады. Иттер мысықтардан ақылды деп есептелiнедi. Сол себептi де Нобель сыйлығының лауреаты И.П.Павлов ғалымдарға тек иттермен тәжiрибе жасауға кеңес берген.
