Электронды кітаптың зияны бар ма?
Интернет дамығалы бері адамдар өздеріне керекті дүниелерді электронды кітаптар және оқулықтардан оңай жолмен тауып, оқуға мүмкіндік алдық.
Алайда электронды кітаптарды оқудың пайдасымен қатар зияны да бар дейді. Осыны нақтылып бере аласыздар ма?
Арай, студент
Біріншіден, электронды оқулық ақылы. Ғаламторды пайдалануға төленген ақшаңыз бен алтын уақытыңызды тиімді пайдалану үшін кітапты немесе қажетті материалдарды тым асығыс оқисыз, түсінбей қалған тұсты қайта-қайта қарауға мұршаңыз болмайды.
Екіншіден, электронды кітаптарды көбіне компьютер арқылы оқитындығыңыздан, монитор алдында өткізген ұзақ уақытыңыз денсаулығыңызға да зиян. Бұл әсіресе көзіңізге теріс әсер ететіні сөзсіз.
Үшіншіден, электронды кітаптан оқыған дүниеңіз тез ұмытылады. Керек дүниеңізді компьютерден көшіріп алғанның өзінде, оның әсері кәдімгі кітап оқығандай болмайды. Сондықтан да, электронды кітаптарды пайдаланудың тиімді жолдарының бірі мыналар:
Электронды кітаптың жазбаша нұсқасын принтерден шығарып алып оқыңыз. Өйткені принтерден шығарып алған нұсқаны қашан, қайда және қалай оқысаңыз да еркіңізде. Ұқпаған жеріңізді бірнеше мәрте оқып, қажет те маңызды тұстарына ерекшелеп белгі қоя аласыз. Бұл интернеттегі сағаттарыңыз үшін төленетін ақшаны үнемдеуге септігін тигізеді.Сондай-ақ компьютер алдында ұзақ отырып, көзіңіздің, тұла бойыңыздың шаршауына жол бермейсіз.
