Елімізде қанша колледж бар?

Әр облыс орталығында екі колледжден бар деп естідім. Осы рас па?
Индира ОМАРБЕКОВА, Өскемен

Анығында, облыс орталықтарындағы колледждер саны бұдан әлдеқайда көп. Қазақстан бойынша орташа білім беретін 480 колледж бар, ең көп шоғырланған жері – Алматы қаласы (55), ең азы – Атырау облысында (10). Колледждерде білім алып жатқан 495 мың студентке 33 мың оқытушы дәріс береді. Ер балалар көлік және байланыс (71%), ауыл және орман шаруашылығы (60%), өндіріс және құрылыс (63%) мамандықтары бөлімдерінде көп болса, қыз балалардың саны өнер және мәдениет (63%), экономика (52%), білім беру (67%) және денсаулық сақтау (83%) факультеттерінде басым екен.