Ең алғашқы SMS-ті кім жазды?
Қазір SMS-хабарламалар негізгі байланыс түріне айналды. 
Бұлайша хат-хабар алысу қай кезде пайда болған?
Еркебұлан БЕКЕТАЕВ, Қарағанды облысы
Ақпараттық технология саласы мамандарының сөзіне қарағанда, қалта телефоны арқылы жолданатын мәтіндік қысқа хабарламалар тарихы 1991 жылдан бастау алады. Алғаш рет оны 1992 жылдың желтоқсан айында телекоммуникация саласындағы стандартизация компаниясының қызметкері әріптестерін Рождество мейрамымен құттықтау үшін қолданыпты. Алайда жаңа сервисті коммерциялық тұрғыда пайдалануды білмеген ұялы байланыс операторлары оны нарыққа шығаруға асықпаған көрінеді. Соның салдарынан қысқа хабарламалар адамзатқа біраз кешігіп жеткен. Дәлірек айтқанда, SMS ойлап табылғаннан кейін, өткен ғасырдың соңында ғана белең алды. Қызмет ақысы төмен әрі тиімді бұл сервис бастапқыда тек бір ұялы байланыс операторлары арасында пайдаланылса, қазір оның аясы біршама кеңейген. 2000 жылдан бастап қысқа хабарламаларды кез келген байланыс операторына жолдауға болады.
