Исеско деген не?

Соңғы кездері ЮНЕСКО-мен қатар ИСЕСКО дегенді жиі естіп жүрмін. Ол да арнайы ұйым ба? Және оның ЮНЕСКО-дан нендей ерекшелігі бар?
Ажар бабалықова, Алматы қаласы
ИСЕСКО (ISESKO) – (Islamic Educational, Scientific and Cultural Organi­zation) қазақшасы білім, ғылым және өнер мә­се­лелерімен айналысатын Исламдық ұй­­ым. 1979 жылы «Ислам конференция­сы» ұйымының (ОИК) мұрын­дық бо­луы­мен құрылған. Сон­дықтан Ислам Кон­фе­ренциясы ұйымына мүше 57 елдің 50-і бүгінгі таңда ИСЕСКО-ға да мүше бо­лып табылады. Штаб пәтері Марокконың Рабат қаласында ор­на­ласқан ұйымның 1991 жыл­дан бер­гі бас директоры – Абдульазиз Аль-Тваиджри. Ресей әзірге бұл ұйымға бақылаушы ғана. Ал Қазақстан 1995 жылы ИКҰ-ға енгеннен бастап, автоматты түрде ИСЕСКО-ға да мүше бол­ған. Иманғали Тасмағамбетов ЮНЕСКО мен ИСЕСКО істері жөнін­дегі Қазақстан Республикасы Ұлттық комиссиясының төрағасы болып табылады.