«Мың бір түн» немен аяқталды?
Күні кеше ғана соңғы сериясын көріп, қимай-қимай қоштасқан «Мың бір түн» сериалындағы Шехризат пен Онурды ойнаған әртістер жайлы білгім келеді. Сол екеуі шын өмірде үйленіпті деген рас па? 
Жанна АСЫЛХАНҚЫЗЫ, Қызылорда
Сұлу да тәкаппар Шехризат Евлиоғлуның рөлінде Бергузар Корел есімді түрік актрисасы ойнады. Ол 1982 жылдың 2 қыркүйегінде Ыстамбулда туылған. Әкесі Танжу Корел мен анасы Хулия Дарджан да – еліне өнер адамы ретінде танылған әртістер. Бергузар «Мимар Минан» университетінің мемлекеттік консерваториясында театр бөлімін тәмамдаған. Бергузар түскен сериалдар: «Мың бір түн» – Binbir Gece, 2006; «Көкжалдар мекені Ирак» – Kurtlar Vadisi Irak, 2006; «Сен бар бол Ургуп» – Sen Olasın Ürgüp; «Сынған қанат» – Kırık Kanatlar; «Зәйтүн ағашы» – Zeytin Dalı, 2005.
Онур Аксал – Халит Ергенч Ыстамбулда 1970 жылдың 30 сәуірінде дүниеге келген. «Халит Мимар Синан» университеті опера және музыка факультетіндегі театр ойыншысы бөлімін бітірген. Ол музыка, опера және балет саласында көп еңбек етті. Телеарна саласындағы оның алғашқы қадамы Hiз Yoktan Ask («Жоқтан махаббат») фильмінен бастап, Ölümün El Yazısı («Өлімнің жазуы») фильмдері, Böyle mi Olacaktı («Осылай болмаса еді»), Kara Melek («Қара періште»), Dedem Gofret ve Ben («Атам Гофрет және мен»), Esir Sehrin Insanları («Тұтқын қаланың адамдары»), Zerda, Aliye деген сериалдарымен жалғасады.
Ал әртістердің жеке өміріне келсек, шынында да «Мың бір түн» сериалына түсу барысында махаббаты оянған Халит Ергенч пен Бергузар Корел биыл тамыз айында отау құрды.
