Өмірлік мүгедектерге қандай жеңілдіктер бар?

Өз еркімен ешқандай әрекет ете алмайтын өмірлік мүгедектерге қандай көмек түрлері көрсетіледі, қандай жеңілдіктер қарастырылған?
Әділет Мұсабеков, Шығыс Қазақстан облысы
Әлеуметтік қолдау шарасы ретінде, жеңіл­діктерді ұсыну бойынша заңнама­ларды ре­фор­малау нәтижесінде 1999 жы­лы енгізілген бұрынғы натуралды жеңілдік­тер орнына мүге­дектерге ай сайын респу­бли­калық бюджет есе­бінен арнаулы мем­лекеттік жәрдемақы төленеді.
Ал жүріп-тұруы қиын бірінші топтағы мүге­дектерге жеке көмекшінің қызметтері  медици­налық-әлеуметтік сараптау бөлімі әзірлеген медициналық көрсетімдеріне сәй­кес, мүгедек­ті оңалтудың жеке бағдар­ламасы негізінде көрсетіледі (негізі: «Қа­зақстан Рес­публика­сын­да мүгедектерді әлеуметтік қорғау туралы» Қазақстан Рес­пу­бликасының Заңы).
Осыған байланысты I және II топтағы мүге­дек адамдарға қолданыстағы заңна­ма­ға сәй­кес, жергілікті жердің бюджет қаражаты есебі­нен протездік-ортопедия­лық бұйымдар, сур­до-тифло құралдар, кресло-арбалар, са­на­­­тор­лық-курорттық жолдамалар тегін бері­леді (не­гі­зі: «Мүгедектердi оңалтудың кейбiр мә­се­ле­лерi туралы» Қазақстан Респу­бликасы Үкіме­ті­нің 2005 жылғы  20 шілдедегі  № 754 қау­лы­сы).
Бұдан басқа, қолданыстағы заңнамаға сәйкес, облыс, қала және аудан әкімдеріне, меншік нысанына қарамастан, ұйымдардың, қоғамдық бірлестіктердің басшыларына өз құқығы мен құзыры шегінде әлеуметтік қор­ғауға мұқтаж азаматтарға әлеуметтік қолдау жөнінде қосымша шараларды белгілеу құқы­ғы берілген (негізі: «Қазақстан Республика­сындағы жергілікті мемлекеттік органдар туралы» Қазақстан Республикасының Заңы).
Осыған байланысты жолдамалар, комму­налдық төлемдер, газ, электр энергиясы қыз­мет­терін және бұдан басқа материалдық кө­мек  көрсетуге құқылы.