Қарым-қатынасты бұзатын мына әдеттерден аулақ болыңыз
1. Негатив ойлағанды қойыңыз
Сүйікті адамыңызбен арадағы қарым-қатынас туралы жаман ойлардан арылыңыз. Жаман ойлаған сайын бойыңызды қорқыныш пен үйрей билей бастайды. Не ойлап, не сөйлесеңіз сол көп ұзатпай жүзеге асады. Сондықтан жақсы ойлар ойлаңыз.
2. Ойын ойнамаңыз
Егер ересек адам болсаңыз баланың ойынын ойнамаңыз. Болмашыға бұртиып, қақпан құрмаңыз. Сезіп тұрған күйіңізді, сезіміңізді анық жеткізіңіз. Манипуляциядан аулақ болыңыз.
3. Тек махаббат жеткіліксіз
Махаббат аздық етеді. Қарым-қатынасты сақтау үшін серігіңізді бағалай білу қажет. Ол үшін сүйіктіңізбен достық қарым-қатынаста болу керек.
4. Қызғанғанды қойыңыз
Кез келген ұзақ мерзімді қарым-қатынас сенімге құрылған. Егер серігіңізге сенбесеңіз қарым-қатынас құрып қажеті қанша? Сатқындық туралы ойдан аулақ болыңыз.
5. Азға қанағат етпеңіз
Адаммен қарым-қатынас құруды бастағанда ол адам сіздің ойыңыздан шықпаса, сіз қалаған адам болмаса ол қарым-қатынасты тіпті де бастамаңыз. Себебі кейін міндетті түрде көңіліңіз қалады. Өзіңіз ұнатпайтын, көңіліңіз толмайтын адаммен не үшін қарым-қатынас бастайсыз?
6. Жалғыздықтан құтылу үшін қарым-қатынас бастамаңыз
Жалғыздықтан құтылу үшін қаламайтын адаммен қарым-қатынас құрмаңыз. Иә, біз бәріміз сүйгіміз келеді. Бірақ ол үшін өзімізді жақсы көруіміз керек. Өзіңізді күтіңіз, жақсы көріңіз, біліміңізді арттырыңыз. Уақыты келгенде өз адамыңызды жолықтырасыз.
