Қазақстанда мүлік кепілін бес минутта шешуге болады
«Азаматтарға арналған үкімет» мемлекеттік корпорациясы «Отбасы банкімен» бірлесіп Blockchain технологиясының көмегімен мүлік кепілін шешу бойынша жобаны енгізді, - деп хабарлайды Alashainasy.kz тілшісі zakon.kz-ке сілтеме жасап.
Көбінесе қазақстандықтар банктен несиені өз мүлкін кепілге қою арқылы алады. Несие өтелгеннен кейін кепілде тұрған мүліктен ауыртпалықтарды алып тастау керек.
Бұрын бұл қызмет ХҚО-да офлайн режимде ғана көрсетілетін. Клиент алдымен банктен анықтама алып, содан кейін халыққа қызмет көрсету орталықтарына жүгінетін. Қызмет көрсету мерзімі үш жұмыс күнін құрады. Қазір жобаның арқасында бұл процесс жеңілдеді - енді құжаттар жинап, оларды ХҚО-ға апарудың қажеті жоқ. Барлығы онлайн режимде жасалады, ал кепіл құқығын бес минут ішінде шешуге болады!
Айта кетейік, мүлік кепілін тоқтату қызметі қазақстандықтар арасында сұранысқа ие қызметтердің бірі.
Бес ай ішінде ЕДБ-нің 126 523 кепілі шешілді. Жақын арада қызметті басқа банктердің клиенттері де пайдалана алады. Бұл мемлекеттік корпорацияның ЕДБ-мен және Blockchain технологиясын қолдану бойынша алғашқы бірлескен жобасы емес. 2021 жылдың күзінде «Цифрлық ипотека» іске қосылды, ал 2022 жылдың маусым айының басында жалға берілетін тұрғын үйді онлайн рәсімдеу мүмкіндігі пайда болды.
