Шығыс – консерватор. Батыс – либерал

Саясаттағы консерватизм және либерализм деген идеологиялардың мәні неде?
Бақыт Кәрімбек, Астана
Консерватизм түсінігі латын тілінен аударғанда «сақтаймын» деген мағы­на­ны білдіреді. Консервативті идеология, не­гізі­нен, елдегі дәстүрлі құндылықтарды сақтау арқылы әлеуметтік доктринаны жүзеге асыру болып табылады. Әлеу­­меттік саламен қатар, дінге де басымдық беріледі. Идеологияның негізгі мәні – тұрақтылық. Идея қоғамда радикалды өзгерістерді және түбегейлі рефор­ма­ларды қаламайды. Яғни революциялық емес, эволюциялық жолмен жүруді қорғайды. Консервативті елдерде мем­лекеттің рөлі жоғары болады. Ал либе­рализм идеясы қоғамда ашық, жария­лы­лықты басшылыққа алады. Қоғамда мем­­­лекеттің рөлі шектеліп, экономика жекеменшікке негізделеді. Либерализм идеясының құндылықтары – ради­кал­дылық, нарықтық экономика және зайыр­лы қоғам. Консерватизм идеологиясы,  негізінен, Шығыс өркениетіне жататын мемлекеттерге тән болса, либерализм Ба­тыс өркениетіне жақын.