Тоғызқұмалақ тақтасын қай жерден сатып алуға болады?

Тоғызқұмалақ тақтасын қайдан сатып алуға болады? Қанша тұрады екен? Алматы қара базарында (барахолкада) сатылатын тақталармен ойнай беруге бола ма?
Айнаш БӨЛЕНДІ, Балқаш қаласы

Сіздің сұрағыңызға жауап беру үшін ҚР тоғызқұмалақ федерациясының атқарушы директоры Мақсат Шотайға жүгіндік.
– Тоғызқұмалақ тақтасы біздің қауымдастықта 1000 теңгеден бар. Ал базарда 1500-2000 теңге аралығында сатылып жүр. Оны Алматы қаласынан ғана емес, еліміздің басқа қалаларындағы кез келген спорттық дүкендерден де сатып алуға болады. Тоғызқұмалақ тақтасын ағаштан да, пластмассадан да жасауға болады. Қазіргі қолданыстағы тақталардың көбі – Қытайдан шығарылып жатқан пластмасса тақталар, – деді ҚР тоғызқұмалақ федерациясының атқарушы директоры.